Асан Джалилов
Berevoka efrandinên Babayê Keleşe pêşin ya bi navê “Nîşanî” sala 1983-an li Yêrêvanê çap bûye. Pêşgotina berevokê nivîskarê naskirî Emerîkê Serdar nivîsiye, yê ku qîmetekî baş daye wê berhema nivîskarê genc. Hema wê salê jî Delîlo Îzolî ewê pirtûkê ji tîpên kîrîlî dugihêre li ser tîpên kurdiya latînî û li Hollandayê dide çapkirinê. Vê carê karsazê navdar Mustafa Qlîçaslan ev berevok bi çend serhatîyên nû va tomar û amade kir û da çapxana «Avêsta»ê.
Berevoka “Serhatî” pirtûka Babayê Keleşe dudane, ya ku mixabin piştî mirina wî tê weşandinê. Ew cara pêşin sala 2017-an li Rûsyayê li bajarê Îjêvskê bi hereketê Prîskê Mihoyî bi navê «Serhatî û helbest» amade bû û ronayî dît. Di vê berevokê da serhatiyên Babaye salên 1980-yî cîwar bûne. Ewî pê ra negîhand vê berhema xwe ji bo çapê amade bike. Ew payîza sala 2014-an çû ber dilovaniya Xwedê. Îro jî eynî ew berevok (bêyî helbestan) dîsa Prîskê Mihoyî bi alîkarya Mustafa Qlîçaslan amade kir û li çapxana «Avêsta» ronayî dît.
