Асан Джалилов
Шымкент қаласында Күрд этномәдени орталығының жастар қанатының бастамасымен ROJ FEST фестивалі аясында Ethno Quiz атты мазмұнды жастар іс-шарасы ұйымдастырылды.
Интеллектуалдық ойын Шымкент қаласындағы Достық үйі – комьюнити орталығының алаңында өтіп, қаладағы «Жастары» Ассамблеясының белсенділері, студенттік Ассамблея өкілдері және түрлі этномәдени бірлестіктердің жастарын бір ортаға тоғыстырды.
Іс-шараға Қазақстан күрдтері «БАРБАНГ» республикалық қауымдастығының Шымкент қаласы бойынша филиалының жастар қанатының төрағасы, ҚХА Шымкент қаласы жастар комьюнити орталығының жетекшісі Рызго-Али Сулейманов қатысты.
ROJ FEST аясында өткен Ethno Quiz-дің басты мақсаты – жастар арасында этносаралық келісімді нығайту, патриоттық сананы қалыптастыру, Қазақстанда тұратын барлық этностардың тарихы мен мәдениетіне құрметпен қарауды дамыту, сондай-ақ бірлік пен қоғамдық келісім құндылықтарын насихаттау болды.
Интеллектуалдық ойын барысында қатысушылар командаларға бөлініп, Қазақстан тарихы, этномәдени бірлестіктердің дәстүрлері, Тәуелсіздік пен достық рәміздері, Қазақстан халқы Ассамблеясының қызметі және жастардың қоғамдық келісімді нығайтудағы рөліне қатысты сұрақтар бойынша білімдерін сынады.
Ethno Quiz ашық диалог, өзара сыйластық және салауатты бәсекелестік рухында өтті. Қатысушылар жоғары дайындық деңгейін, белсенді азаматтық ұстанымды және Қазақстан Республикасына деген құрмет пен сүйіспеншілікті көрсетті.
Іс-шара қорытындысы бойынша үздік нәтиже көрсеткен командалар естелік сыйлықтармен және алғыс хаттармен марапатталды. Ұйымдастырушылардың айтуынша, ROJ FEST аясындағы Ethno Quiz жастар бастамаларын қолдауға, этносаралық татулықты нығайтуға және патриоттық тәрбиені дамытуға бағытталған маңызды алаңға айналды.
