Асан Джалилов
Петропавл қаласындағы Достық үйінде Қазақстан күрдтерінің «БАРБАНГ» республикалық қауымдастығы басшылығы Солтүстік Қазақстан облыстық филиалдың активімен кездесу өткізді. Жиын өңірдегі қоғамдық бастамаларды дамыту және алдағы жылға жоспарларды талқылауға арналды.
Кездесуге Қауымдастық басқарма кеңесінің төрағасы, ҚХА Кеңесінің мүшесі әрі ҚХА қорының төрағасы Рафик Мирзоев, Қауымдастық төрағасының орынбасары Ибрагим Мамедов, СҚО бойынша филиал төрағасы, ҚХА мүшесі Худайберген Афандиев, сондай-ақ Қауымдастықтың ардагері және басқарма мүшесі, ҚХА мүшесі Рашид Надиров қатысты. Жиынға филиал белсенділері, аналар кеңесі және жастар өкілдері де қатысып отырды.
Кездесудің модераторы «БАРБАНГ» республикалық қауымдастығы төрағасының орынбасары Мурад Шамилов болды.
Күн тәртібінде 2026 жылға арналған негізгі бағыттар қаралды. Қатысушылар мәдени-ағартушылық жобаларды дамыту, этносаралық бағыттағы алдын алу жұмыстарын күшейту, жастар бастамаларын қолдау және қоғамдық ұйымдармен ынтымақтастықты кеңейту мәселелерін талқылады.
Кездесу конструктивті түрде өтіп, тараптар қауымдастық жұмысының алдағы кезеңдегі басымдықтарын нақтылады.
