Асан Джалилов
Түркістан облысы Сайрам ауданында «Барбанг» күрд этномәдени орталығының ұйымдастыруымен әлеуметтік қолдау шарасы өтті. Игі бастама аясында көпбалалы және аз қамтылған отбасыларға қажетті көмектер көрсетілді.
Ұйым өкілдерінің айтуынша, акцияның басты мақсаты – тұрмысы төмен жандарға нақты қолдау білдіру ғана емес, қоғамда жанашырлық пен өзара жәрдем мәдениетін нығайту. Шара барысында азық-түлік пен күнделікті тұрмысқа қажетті заттар таратылды.
Орталық мүшелері қайырымдылықты қоғамдағы бірлік пен жауапкершіліктің айқын көрінісі ретінде бағалайды. Осындай бастамалар арқылы әлеуметтік ынтымақтастықты арттырып, ортақ құндылықтарды дәріптеу көзделген.
«Барбанг» күрд этномәдени орталығы алдағы уақытта да әлеуметтік бағыттағы жобаларды жүйелі түрде жалғастырып, мұқтаж жандарға қолдау көрсетуді басты назарда ұстайтынын мәлімдеді.
