Чилиде президенттік және парламенттік сайлау науқаны басталды

Чилиде бүгін елдің жаңа президентін және ұлттық парламенттің жаңа құрамын анықтайтын кезекті жалпыұлттық сайлау өтеді. Қолданыстағы Конституцияға сәйкес, қазіргі мемлекет басшысы Габриэль Борич қатарынан екінші мерзімге үміткер бола алмайды.

Жоғарғы мемлекеттік қызметке сегіз кандидат тіркелген. Сарапшылардың айтуынша, негізгі саяси бәсеке төмендегі бес үміткер арасында күшейе түсуде:

• Жанетт Хара — биліктегі солшыл-орталық «Чили үшін бірлік» коалициясының өкілі;
• Хосе Антонио Касто — консервативті Республикалық партия кандидаты;
• Эвелина Маттеи — «Чили, алға!» оңшыл-орталық коалициясының атынан;
• Йоханнес Кайзер — Ұлттық-либералдық партия өкілі;
• Франко Париси — «Адамдар партиясы» атынан додаға түспек.

Президент сайлауымен қатар чилиліктер 23 сенатор мен 155 депутатты сайлайды. Жергілікті сарапшылар бұл сайлаудың Латын Америкасындағы саяси және экономикалық үрдістерге ықпал етуі мүмкін екенін айтады.