Qasim-Jomart Toqayêv: Qazaxistan dewleteke dadmend a derfet û pêşketinê ava dike.

Astana. 25ê Cotmeha 2025an. Barbang Info – Serokê Dewletê Qasim-Jomart Toqayêv di axaftina xwe ya bi boneya Roja Komarê de bi bîr xist ku 35 sal berê, pejirandina Danezana Serweriya Dewletê destpêka serdemeke nû di dîroka welêt de nîşan da. Wî got ku ev belge mafê gel ji bo diyarkirina pêşeroja xwe bi awayekî serbixwe piştrast kir û bingeha avakirina dewletek nûjen û serbixwe danî. Serokkomar destnîşan kir ku di van salan de, Qazaxistan rêyek dirêj û çetin derbas kiriye — bingehek siyasî û aborî ya zexm ji bo serxwebûnê danî, sînorên navneteweyî yên naskirî destnîşan kir û paytextek nû ava kir. Welat di xurtkirina nasnameya xwe ya neteweyî, pêşxistina aboriyê û baştirkirina kalîteya jiyana welatiyên xwe de serkeftinek girîng bi dest xistiye. Bi saya siyasetek derve ya hevseng, Qazaxistan bi bawerî berjewendiyên xwe yên miletîyê diparêze û xurmeta xwe li ser qada dunîyayê xurt dike. Di heman demê de, Qasim-Jomart Tokayev tekez kir ku welat bi pirsgirêkên nû û bi heybet re rû bi rû ye. Tevî pirsgirêkên cîhanî, Kazakistan berdewam dike ku Dewletek Dadmend ava bike — welatekî derfetên wekhev ji bo hemî welatiyan. Reformên ku di warên siyasî, aborî û civakî de têne bicîh kirin armanc dikin ku serfiraziya Welat û baştirkirina xweşiya gel pêşve bibin. Li gorî Serokkomar, girîngiyek taybetî tê dayîn ser xurtkirina prensîbên qanûn û rêziknameyê, pêşvebirina îdeolojiya «Qazaxistana temiz» û pêşxistina nirxên welatparêzî, xebata dijwar, berpirsiyarî û profesyonelîzmê. Wî da kivşê ku ev bingeh neteweyek gihîştî ava dikin ku bi bawerî li pêşerojê dinêre. Toqayêv destnîşan kir ku her nifşek xwedî mîsyona xwe ye — xurtkirina serxwebûnê û avakirina li ser destkeftiyên welêt. Tenê bi xebata dijwar, piştgiriya hevbeş û yekîtiyê da gelê Qazaxistanê bikaribe bigihîje armancên xwe û bigihîje bilindahiyên teze. Di encamê da, Serokê Dewletê baweriya xwe anî ziman ku pêşeroja Qazaxistanê di destê her welatiyekî de ye, ji hemî hevwelatiyan re tenduristî, serfirazî û serkeftin xwest.