Асан Джалилов
Қазақстанның Ұлттық қоры 2025 жыл ішінде бірнеше рет төмендеп, қайта өсім көрсеткен. Бұл туралы Ұлттық банктің монетарлық шолуында айтылды.
Жыл басында қор активтері азая бастады: 2024 жылдың соңында 30,9 трлн теңге болса, наурыз айында 29,2 трлн теңгеге дейін төмендеген. Осылайша алғашқы үш айда шамамен 1,7 трлн теңге қысқару байқалды.
Алайда көктемнен бастап жағдай өзгеріп, қор қайта толықты. Қыркүйек айында актив көлемі 34,4 трлн теңгеге жетіп, ең жоғары деңгейге көтерілді. Бұл наурыздағы ең төмен көрсеткішпен салыстырғанда 5 трлн теңгеден астам өсімді білдіреді.
Күз айларында қайта төмендеу тіркеліп, жыл соңында қор көлемі 32,3 трлн теңгеге дейін азайды. Яғни бұл кезеңде тағы шамамен 2 трлн теңге қысқарған.
2026 жылдың басында қайтадан баяу өсім байқалды. Қаңтар мен ақпан айларында қор активтері 32,6 трлн теңгеге жетіп, бір ай ішінде 100 млрд теңгеден астам қаражатпен толықты.
Жалпы, бір жыл ішінде Ұлттық қор бірнеше рет төмендеу мен қалпына келу кезеңдерін бастан өткеріп, тұрақсыз динамика көрсеткен.
