LI VÊ CEJNA 8-Ê ADARÊ!..

Dîsa û dîsa 8-ê adarê

Bi hizkirin dîyarî dikim

Gulên çîyayê Elegezê:

Ji bo Zozanê û Xatûnê,

Ji bo Narê û Zeytûnê,

Ji bo Delalê û Xasê,

Ji bo Berfînê û Asê,

Ji bo Sosinê û Besê,

Ji bo Nefelê û Sarê,

Ji bo Nêrgizê û Gulê,

Ji bo Binefşê û Karê,

Ji bo Şîlanê û Nûrê,

Ji bo Leylê û Zerê,

Ji bo Sîmê û Xaylazê,

Ji bo Hîvê û Gulnazê,

Ji bo Sonê û Nazdarê,

Ji bo Qaşê û Rêzanê,

Ji bo Nazê û Beybûnê,

Ji bo Başê û Guharê,

Ji bo Sêvê û Bêrîvanê,

Ji bo Gulanê û Havînê,

Ji bo Dîlanê û Canê,

Ji bo Felekê û Zînê!..

Li vê cejna der baharê

Bi rêzdarî dîyarî dikim

Gulên çîyayê Elegezê:

Ji bo xatûnên Şengalê,

Ji bo dayîkên Kobanîyê,

Ji bo xweyîng û kinêzan,

Ji bo bûk û keçên dilovan,

Ku bûne bê pergal û mal,

Li ser rê-dirban û perîşan

Parastin zarok û mindal…

Li vê cejna 8-ê adarê

Bi hêbet dikim dîyarî

Hemû gulên cîhanê:

Ji bo bûkên zor revandî,

Ji bo xûşkên şuhurandî,

Ji bo zerîyên rûreşkirî,

Ji bo nav û namûsa me,

Ji bo agirê ocaxa me!..

PRÎSKÊ MIHOYÎ