Li Şimkentê leca armrestlingê ji bona Roja Komarê hatin derbaskirin

Şimkent – 26 cotmeh 2025. Barbang Info – Li qada navenda Assambleya Gelên Qazaxistanê ya li bajarê Şimkentê, lecên armrestlingê bi rêveberiya Îsmet Suleymanov, serokê beşa bajerî ya Yekîtiya Neteweyî ya Kurdên Qazaxistanê “Barbang”, hatin lidarxistin. Ev lec ji bona Roja Komara Qazaxistanê ve hate derbaskirin. Armanca sereke ya lecê ev bû — xurtkirina yekîtiya gelê, pêşxistina ruhê welatparêzî û belavkirina jiyana sax a nav ciwanan. Li lecê dA, pêşbazên navdar û şampîyonên navneteweyî beşdar bûn. Navên wan di nav ew bûn:
Erman Rexmankulov, şampîyonê Asyayê û xelatgirê bronzî ya lecên cîhanê;
Bekzat Esenbay, sêcar xelatgirê zêrîn ya lecên cîhanê û şampîyonê Qazaxistanê;
Mihemed Zayiraxmed, ducar serkeftî ya Komara Cîhanê û sêcar şampîyonê Asyayê;
Mecan Şaymîrden, xelatgirê zêrîn ya Komara Asyayê û şampîyonê welatî;
û Batirxan Rizmanov, ducar şampîyonê Qazaxistanê û xelatgirê Komara Asyayê. Pêşbazên navdar bi dilxwazî xwestin serkeftin û hezkirinê ji bona ciwanan, û ragihandin ku ev çalakiyên weke vî rengî alîkar in ji bona pêşxistina rûmeta ciwanan, dostiyê û yekbûnê li civakê da. Ew jî li lecê da wek dadwer û şêwirmend beşdar bûn, da ku lec bi rêz û bi profesyonalîyetê bimeşe. Li dawiya lecê, serkeftîyên li kategoriyên cihê û li nav hemanên mêr û jinan hatin nîşandan. Ew bi medal, nameyên sipasîyê û xatiriyên bîranînê hatin xelat kirin.