Асан Джалилов
Қазақстанда 12 сәуірде Ғылым күні атап өтілуде. Бұл дата ғылым саласы қызметкерлерінің кәсіби мерекесі ретінде белгіленген.
Атаулы күн Қаныш Сәтбаевтың туған күніне байланысты бекітілген. Ғылым күні Қазақстанда 2011 жылдан бері ресми түрде атап өтіледі.
Ресми деректерге сәйкес, елде 380-нен астам ғылыми ұйым жұмыс істейді, ал ғылым саласында 22 мыңға жуық адам еңбек етеді. Соңғы жылдары ғылыми жобаларды қаржыландыру көлемі артып, жыл сайын мыңдаған зерттеу жұмыстары жүзеге асырылуда.
Ғылыми зерттеулер негізінен инженерия, медицина, аграрлық сектор және цифрлық технологиялар бағытында жүргізіледі. Сонымен қатар жас ғалымдарды қолдау мақсатында арнайы гранттар мен бағдарламалар іске қосылған.
Ғылым күні – ғылыми қауымдастықтың қызметіне назар аударып, зерттеулердің ел дамуына әсерін бағалауға мүмкіндік беретін дата.
