Асан Джалилов
Құрметті дөңгелек үстел қатысушылары!
Қазақстан күрдтерінің «Барбанг» қауымдастығы жанындағы «Жийана Курд» газетінің редакция ұжымын жаңа нөмірдің жарық көруімен және басылым жұмысының жаңаруымен шын жүректен құттықтаймын. Бұл – Қазақстандағы күрд этносының және азаматтық қоғамның даму барысын кеңінен танытатын маңызды ақпарат көзі болмақ.
Жобаның басталуы Қазақстан Республикасының Тәуелсіздік күніне, Қазақстан халқы Ассамблеясының 30 жылдығына және ұлы қазақ ойшылы Абай Құнанбайұлының 180 жылдық мерейтойына орайластырылуы – символдық мәнге ие. Бұл оқиғалар сарапшылар қауымы мен жалпы қоғам үшін қол жеткізілген жетістіктерді саралап, тарихи жолды ой елегінен өткізуге мүмкіндік береді.
Соңғы 30 жыл ішінде Қазақстан халқы Ассамблеясының аясында елдегі этносаралық секторлар елеулі деңгейде нығайып, өзіндік дипломатиялық институттар ретінде қалыптасты. Бүгінде олар мемлекеттік құрылымдардың сенімді серіктестеріне айналып отыр. Осы жылдар ішінде аталған институттардың тиімділігі мен қажеттілігі дәлелденіп, олар парасатты ой мен маңызды пікірлер тоғысатын рухани алаңға айналды.
Мен ең алдымен «Жийана Курд» газетінің беттерінде жарияланатын шығармашылық бастамалар мен сындарлы ұсыныстар күрд этносының мәдени және қоғамдық дамуына жаңа серпін беріп, елдегі бірлік пен келісімді нығайтуға үлес қосады деп сенемін.
Қазіргі таңда Қазақстандағы этномәдени бірлестіктер, белсенді азаматтар мен волонтерлер қоғамдағы өзекті мәселелерді шешуге белсене атсалысып келеді.
Мемлекет басшысы Қасым-Жомарт Кемелұлы Тоқаев Қазақстан халқы Ассамблеясының ХХХIV (34) сессиясына қатысушыларға арнаған үндеуінде және халыққа жолдауында атап өткендей, елімізде жүріп жатқан ауқымды өзгерістер жаңа қоғамдық этиканы қалыптастыруды талап етеді. Бұл этика Ассамблеяның тұжырымдамалық негізімен ұштасып, «Әділетті Қазақстан» құрудың ажырамас бөлігіне айналуы тиіс.
Президент атап өткендей:
«Әділет пен гуманизм, өзара сенім мен жауапкершілік, заң мен тәртіп, еңбекқорлық пен ізденімпаздық» – жаңа қоғамдық этиканың өзегіне айналуы қажет.
Бүгінде көптеген этномәдени бірлестіктер мен қоғамдық ұйымдар әлеуметтік әлсіз топтарды қолдау, жастар мен балалардың құқықтарын қорғау, денсаулық сақтау, экология, білім және ғылым салаларында ауқымды жұмыс атқарып келеді.
Мен толық сеніммен айта аламын – «Жийана Курд» газетінің редакциялық ұжымы мен азаматтық қоғам өкілдерінің бірлескен еңбегі нәтижесінде жаңа ойлар мен нақты жетістіктер осы басылым беттерінде кеңінен көрініс табады.
Қорытындылай келе, «Жийана Курд» газетінің редакциясына шығармашылық табыс, кемелдік пен даналық тілеймін. Басылым ұжымы әр іске шабытпен қарап, қазақстандық журналистиканың жарқын болашағына сеніммен көз салсын.
«Журналист атын абыроймен алып жүріңіздер, кәсіби борыштарыңызға адал болыңыздар!»
Газетіміз ұзақ жылдар бойы өркендеп, дамып, халқымыздың рухани айнасына айнала берсін!
Біз, Қазақстандағы күрд халқы, «Жийана Курд» газетін оқу – әрқайсымыздың азаматтық борышымыз екенін ұғынуымыз керек!
Ізгі тілекпен,
ақын, публицист Маджит Худеда
