Мүмкіндігі мол жүйе

Астана. 20 қазан 2025 жыл. Barbang Info – Қазақстанда барлық мемлекеттік қызметтерді eGov–Aitu атты бірыңғай цифрлық экожүйеге біріктіру жұмысы басталды. Бұл шешім Премьер-Министр Олжас Бектеновтың төрағалығымен өткен Цифрлық штаб отырысында қабылданды.

Жаңа жүйе азаматтарға барлық мемлекеттік қызметті бір платформа арқылы алуға мүмкіндік береді. Бұл бұрын қолданылып келген көптеген жеке қосымшалардың қажеттілігін жояды.

Үкіметтің мәліметінше, жоба Президент Қасым-Жомарт Тоқаевтың тапсырмалары аясында жүзеге асырылып жатыр. Оның мақсаты — цифрлық инфрақұрылымды дамыту,

IT-стартаптарды қолдау және электрондық қызметтердің сапасын арттыру. Бұдан бөлек, Astana Hub технопаркін дамыту және Alem.cloud суперкомпьютерлік орталығының есептеу қуатын тиімді бөлу шаралары бекітілді.

Алдағы уақытта басымдық жасанды интеллект, білім беру, денсаулық сақтау және мемлекеттік басқару салаларындағы жобаларға беріледі.